Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

wótku ćisnyć [něchtó wótku ćisnje]
`swój prěnjotny zaměr ćežow dla spušćić´ | `aufgeben´ die Flinte ins Korn werfen; klein beigeben

Wörterbuchbelege

wótku (do pola/ do žita) ćisnyć (NHS 1, 393)

přikłady z literatury

Dźensa hišće dyrbimy ze wšej česćownosću spominać na tu črjódku njebojaznych wokoło Pawoła Lubjenskeho, kotřiž njedźiwajcy přesćěhanjow tehdy wótku njećisnychu. (Grojlich, Lěta ćmy 17) Wosom- abo dwanaćelětny hólčik so tu zetka z tak mnohimi njezwučenymi a njeznatymi wurazami a wobrotami, zo bórze wótku ćisny a so spokoji z wobrazkami a jich podpisami. (Njechorński, Hólčik 114)

wróćo